11 сыйныф укучысы имтихан алдыннан үз-үзенә кул салган

<p>Мәскәүдә 11нче сыйныф укучысы Бердәм дәүләт имтиханы аркасында үз-үзенә кул салган. Ул, имтиханны тапшыра алмам, дип курыккан.</p> <p>SHOT Телеграм-каналына билгеле булганча, фаҗига кичә Мәскәүнең Свиблово районында булган. Яшүсмерне Лазорев проездындагы күп катлы йорт янында аңсыз килеш табалар.

Килгән табиблар да баланы аңына китерә алмый.</p> <p>Укучы малай православие мәктәбен тәмамлаган, ул тәрбиягә алынган бала була. Әнисе сүзләренчә, соңгы вакытта ул БДИ тапшыру өчен һәм шуның аркасында университетка керә алмам дип бик борчылган. Әти-әнисе баланы белгечләргә дә йөрткән, аңа «җиңелчә когнитив тайпылыш» диагнозы куйганнар.</p> <p>Бу хәл буенча тикшерү уздырыла, «Үз-үзенә кул салу халәтенә җиткерү» маддәсе буенча җинаять эше ачылган.</p> <p>«Балаларны куркытып бетерделәр. Бездә гади имтиханнар булды һәм барысы да яхшы иде. Беркайчан мондый хәл булмады»;</p> <p>«Җинаять эшен кемгә ачканнар? Мәгариф министрлыгынамы?»;</p> <p>«Имтиханнан карачкы ясап бетерделәр. Әгәр ЕГЭга гадәти имтиханга караган кебек карасаң, бернәрсә дә булмый. Матбугат, әти-әниләр, мәктәп администрацияләре үзләре бу хәлне куерта»;</p> <p>«Хәзер бөтен нәрсәдә ЕГЭны гаепләп калдыру модада...»;</p> <p>«Ә ЕГЭ гадәти имтиханга караганда бермә-бер җиңелрәк. Үз вакытында бездә дә соңгы уку елында репетиторларга йөрделәр, укытучылар да куркыта иде, әмма берничә варианттан логика белән дөрес җавапны табарга була иде»;</p> <p>«ЕГЭ авыру китереп чыгармаган, ул булган инде, диагнозы да бар. Ә вакытында һәм тиешенчә дәваламау тышкы шартларга реакция биргән, һәм авыру кеше моны җиңеп чыга алмаган»,</p> <p>«Балалар имтиханны бер генә тапкыр тапшыра ала, дип тукып торырга кирәкми. Хәзер икенче тапкырдан да тапшырып була бит, 1 елны кичектереп торырга (армия, эш), 1 ел колледжда укырга була. Әллә никадәр вариант бар. Иң мөһиме, ЕГЭ тапшырмаганнан беркем дә үлми. Барысын да төзәтеп була. Балаларга басым ясамагыз»;</p> <p>«Япониядә чыгарылыш алдыннан 300гә якын бала үз-үзенә кул сала. Анда уку белән бар да коточкыч», – дигән комментарийлар язганнар «ВКонтакте» социаль челтәрендә.</p>