Камал театры артисты Гүзәл Гюльвердиева куанычы белән уртаклашты. Алар шәһәр читендәге бер бистәдән әзер йорт сатып алган.
«Әлеге хыял белән берничә ел янып йөрдем. Гомер буе шәхси секторда яшәдем, шуңа да үз йортыбызда торасым килгәндер. Ниһаять, безнең хыял тормышка ашты. Безнең хыял, чөнки бу еллар эчендә Илдарның да үз йортыбызда торасы килә башлады.
2025 ел безнең гаиләбез өчен вакыйгаларга бай ел булды, Аллаһка шөкер. Әле һаман да ышанып бетә алмыйм.
Якын арада ремонт эшләре башлана, сугышып бетмәсәк ярый инде», – дип яза актриса.
Чыннан да, агымдагы ел актриса өчен куаныч-шатлыкларга мул ел. Гүзәл Гюльвердиева белән аның тормыш иптәше, Камал театрының тавыш режиссеры Илдар Харисовларның икенче тапкыр әти-әни булулары турында язган идек. Гүзәлгә, шулай ук, быел «Татарстанның атказанган артисты» дигән мактаулы исем дә бирелде.
Свежие комментарии