Ришат Фазлыйәхмәтовның якын кешесе хастаханәгә эләккән

Ришат Фазлыйәхмәтовның әнисенең сеңлесе хастаханәгә эләккән. Җырчы, күчтәнәчләр алып, якын кешесенең хәлен белешергә килгән.

«Килдем әле, дуслар, хастаханәгә. Әнинең бертуган сеңлесе хастаханәдә ята… Район үзәгендәге хастаханә бу, менә ничек чиста, матур. Янәшәсендә генә поликлиника да бар», – дип сөйли ул.

Туган апасы Ришат белән аның тормыш иптәше Эльмираны бик сөенеп, җылы кочаклашулар белән каршылаган.

Ришатның әлеге сторисларыннан соң, апасына саулык-сәламәтлек теләп күп кенә комментарийлар язып калдырганнар. «Миһербанлы бала», – дип, җырчының үзен дә мактыйлар.

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/