Магнитогорск дәүләт циркында гимнаст кыз 4 метр биеклектән егылып төшеп һәлак булган. Бу хакта Чиләбе өлкәсе буенча Тикшерү комитеты хәбәр итте, дип яза РИА «Новости». «Правобережный районара тикшерү бүлеге тикшерүчесе ( ) Россия Федерациясе Җинаять кодексының 143 нче маддәсенең 2 нче өлешендә каралган җинаять билгеләре буенча җинаять эше кузгаткан («Саксызлык аркасында кеше үлеменә китерү»)», – диелә релизда.
Тикшерү мәгълүматлары буенча, 17 майда цирк хезмәткәрләре тамаша әзерләгәндә тиешле таләпләрне бозган һәм 22 яшьлек артист кызга страховкасыз һәм пассировкасыз «Кыюлык тәгәрмәче» аппаратында акробатик трюк ясарга мөмкинлек биргән. Кыз трюк ясаганда тәгәрмәчтән ычкынып киткән һәм аренага егылып төшкән, ә аннары «ашыгыч ярдәм» машинасында үлгән.
Тикшерүчеләр фаҗига урынын карап чыкканнар, хәзер җаваплылар һәм шаһитләр сораштырыла.
Свежие комментарии