<p>Тимергали хәзрәт Юлдашев телеграм-каналында дога кылу турында аңлата.</p> <p>Догалар кабул була торган сәгать</p> <p>Мөхәммәд салләллаһу галәйһи вә сәлләм: «Җомга көнне бер сәгать бар. Әгәр бу вакытта намаз укучы мөселман кешесе Аллаһы Тәгаләдән ни дә булса сораса, Ул, һичшиксез, аны бирер», – дигән (имамнар Әл-Бохари, Мөслим).
</p> <p>Дога кыла белмим, диючеләргә ни әйтергә?</p> <p>Күңел түрендә булган сүзләребезне бөтен телләрне, милләтләрне халык кылучы Раббыбызга үз телебездә дә әйтә алабыз. Мәсәлән: «Йә Раббым, эшләремне җайга сал, Үзең ярдәм ит», – дип әйтүебез дә дога булып бара.</p> <p>«Җомга иртәләре мөбарәк булсын! Раббыбыз ике җомга арасында бакыйлыкка күчкәннәрнең белеп вә белми кылган хата-кимчелекләрен, гөнаһларын гафу әйләсен иде», – дип яза хәзрәт җомга көнне. </p> <p><img alt="" height="675" src="https://intertat.tatar/images/uploads/0bf867ec81abe384400cafc22d2383b8.png" width="1343" /></p>
Свежие комментарии