2018 елның июлендә Америкада яшәүче Джо ДиМеоның тормышы икегә бүленә. Төнге сменадан соң ул машинасында кайтканда йоклап китә, коймага бәрелә, һәм автомобильгә ут каба. ДиМеоны машинадан авария шаһитлары чыгара, әмма аның тәненең 80 проценты пешкән була, дип яза «Комсомольская правда» сайты Телеграм-каналында.
Ирне медикаментоз комага җибәрәләр, бармак очларын ампутациялиләр һәм 20дән артык реконструктив операция ясыйлар. Ә 2020 елның августында Джога бит һәм ике кул күчереп утырталар. Һәм ул тарихтагы беренче шундый кеше була. Операция 23 сәгатькә якын бара, ә моның уңышлы тәмамлану шансы нибары 6 процент кына була. Тик барысы да уйлаганнан яхшырак килеп чыга, һәм ир-ат тулы канлы тормыш алып бара башлый.
Операциядән соң Джо 45 көн реанимациядә ята, ә соңыннан тернәкләнү чоры башлана. Ул кабаттан елмаерга, күзләрен ачарга һәм кулларын хәрәкәтләндерергә өйрәнә башлый.
Джоның тарихын ишетеп, 33 яшьлек Джессика Коби аңа социаль челтәрдә яза. Озак та узмый, алар арасында романтик мөнәсәбәтләр башлана. Шушы көннәрдә ДиМео Джессика белән ярәшүе турында хәбәр итте.
Свежие комментарии