Туры эфирда кешеләргә балта белән һөҗүм иткән егетне 75 елга төрмәгә утыртканнар

Төркия суды кафеда кешеләргә пычак һәм балта белән һөҗүм иткәнен социаль челтәрдә туры трансляциядә күрсәткән 19 яшьлек егетне 75 ел һәм 5 айга ирегеннән мәхрүм иткән. Бу хакта Sabah газетасы хәбәр итә, дип яза «Аргументы и факты».

Бу хәл узган елның августында булган. Җинаятьче очраклы 5 ир-атны яралап өлгергән.

Прокуратура аны «Кеше үтерергә омтылу» һәм «Тирә-юньдәгеләрнең тормышын һәм сәламәтлеген куркыныч астына кую» маддәләре нигезендә 108 ел төрмәгә утыртуны таләп иткән.

Төркия массакүләм мәгълүмат чаралары, егет онлайн-уен белән «илһамланган» булырга мөмкин, дип фаразлаган.

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/