<p>Төмән өлкәсендә Дударева авылында бер урамда йортлар яна. Кешеләр ут аларга җитмәсен өчен дога кыла. Бу турыда «Комсомольская правда» яза.</p> <p><iframe height="315" src="https://www.tumen.kp.ru/video/embed/970705/" style="border:0;" width="560"></iframe></p> <p>Шаһитлар сүзләренчә, биредә яшәүчеләр өйләренең стеналарына су сибә, җил көчле, авыл халкы уттан куркып дога кыла.
Янгын бүген 15.30 сәгатьтә башлана. Ул зур тизлектә тарала. Беренче янгын сүндерүчеләр килгәндә 3 йорт яна. Янгын сүндерү эшләре бара.</p> <p>«Бүген көндезге дүртенче яртыда Төмән районының Дударев авылында Боровая урамында янгын турында хәбәр килде. Хәзер янгын сүндерү эшләре бара. Һәлак булучылар турында белешмә юк», – ди коткаручылар.</p> <figure class="image"><img alt="" height="527" src="https://intertat.tatar/images/uploads/e40bc379cb73b7a0802d542de0ad7774.jpeg" width="1170" /> <figcaption> <p> </p> <p>Фото: © https://t.me/MCHSTYUMEN72, Төмән өлкәсе буенча Гадәттән тыш хәлләр министрлыгы телеграм-каналы</p> </figcaption> </figure> <p>«Комсомольская правда» хәбәр иткәнчә, йортларның берсе санаулы минутларда янып бетә. Төтен аркасында кояш та, кешеләр дә күренми. Урында янгын сүндерүчеләр эшли.</p> <p>Бүген Төмән өлкәсендә җилле һава торышы. Шуңа күрә янгыннар саны арткан, диелә хәбәрдә.</p>
Свежие комментарии