14 апрельдә «Пирамида» күңел ачу үзәгендә татар дөньясында бердәнбер юмористик «Мунча театры»ның 45 еллыгын билгеләп үттеләр. Анда Искәндәр Мотыйгуллага һәм Рөстәм Рахманкул-Козгынчинскийга «Татарстанның халык артисты» дигән исем бирелгән. Бу хакта татар эстрадасы җырчысы Рифат Зарипов социаль челтәрдәге сәхифәсендә хәбәр итте.
«45 ел сәхнә тоту – шутка түгел», – диде ул. Бәйрәм чарасына юмор театры артистларын котларга Салават Фәтхетдинов белән Җәвит Шакиров та килгән.
«Гамил абый, «татарда юмор юк» диләр», – дип мөрәҗәгать итте Рифат Зарипов театрның җитәкчесе Гамил Әсхадуллинга.
«Ник булмасын? Булмагач, без 45 ел ничек яшәдек? Безне берәр кая куып чыгарган булырлар иде. Без бит кешегә зыян эшләмибез. Догадан кала рухи азык бирәбез. Кешенең җаннарын ничектер чистартабыз. Элегрәк юмор юк иде. Алып баручылар матур итеп шигырь сөйли иде», – диде ул
«Алар инде күптән халык артистлары, менә бүген бүләкләнделәр. Чын күңелдән котлыйбыз», – ди Рифат.
Свежие комментарии