Башкортстанда хастаханәдә 3 атналык сабый вафат булган. Бу турыда «Башинформ» хәбәр итте.
Фаҗига Октябрьск шәһәрендә була. Фатирда яңа туган бала пешә, дип хәбәр итә Гадәттән тыш хәлләр министрлыгының Башкортстан буенча Баш идарәсе.
Баланы 26 майда хастаханәгә китерәләр, ул 3-4 дәрәҗәдә пешкән була.
Ата-анасы сүзләренчә, әти кеше бала ята торган караватка эшләп тора торган фен куя, һәм караватка ут каба.
Бу вакытта әниләре 2 һәм 4 яшьлек ике баласын бакчага илтәргә киткән була. Яңа туган сабый өйдә әтисе белән генә кала. Фен куйгач, карават матрасына ут каба, аннары баланың киемнәре яна башлый, диелә хәбәрдә.
Свежие комментарии