Җир шары буйлап метапневмовирус тарала башлаган. Бу хакта Mash телеграм-каналы яза.
– Төньяк провинцияләрдә Кытай хастаханәләре тулган. Нигездә 14 яшькә кадәрге балалар авырый, һәм авыру бик тиз тарала. Бөекбританиядә инфекция йоктыруның берничә очрагын тапканнар.
Метапневмовирус ковид симптомнарына бик охшаш: салкын тию, йөткерү, тамак авырту, хәлсезлек һәм баш әйләнү.
Бәхеткә, күпчелек очракта метапневмовирус җиңел уза. Әмма иммунитеты какшаган кешеләрдә бронхит һәм үпкә ялкынсынуы барлыкка китерергә мөмкин.Хастаханәгә мөрәҗәгать итүчеләрнең күбесендә шулай ук парагрипп, коронавирус һәм бокавирус тапканнар. Кытайның төньяк провинцияләре бүлекләре респиратор авырулы пациентлар белән тулган.
Кытай хөкүмәте, яңа штаммнар, күп санлы үлүчеләр булуын расламаган. Шуңа да карамастан, Тайваньдә яшәүчеләрне битлек кию режимына күчәргә сорыйлар. Бу авыруның берничә очрагын Бөекбританиядә тапканнар, – дип хәбәр итә телеграм-канал.
Свежие комментарии