Красноярск шәһәрендә тюбингта йөрүче кызлар һәлак булган. Алар машинага бәйләп куелган тюбингта шуа. Шул чакта каршыга килә торган машина аларны таптый. Әлеге хәлне видеорегистратор төшереп тора. Бу турыда РЕН ТВ хәбәр итте.
Кадрларны Эчке эшләр министрлыгының төбәк бүлеге күрсәткән. Анда тюбингның каршы як полосага очып чыгуы күренә.
Йөртүче тормозларга өлгерми һәм кызларга бәрелә.«27 яшьлек йөртүче «Хонда» машинасы белән идарә итә. Ул машинасына трос белән тюбинг тоташтырган. Тюбингта 2 кыз утыра. Юлдан барганда, тюбинг каршы як полосага очып чыга, алар узып баручы «Тойота» машинасы бәрелә», – дигәннәр ведомствода.
Авариядә 17 яшьлек кыз һәлак була, 20 яшьлеге җитди имгәнә.
«Тойота» йөртүчесе кагыйдәләрне бозмавы ачыкланган. Ул 40 км/сәг кимрәк тизлек белән бара, аек була.
«Хонда» белән идарә итүче 27 яшьлек ир-атның аек булуы билгеле. Аның тоткарлаганнар. Җинаять эше ачылган.
Свежие комментарии