Саратов шәһәрендә гаражда хатын-кыз һәм аның 3 һәм 7 яшьлек ике кызының мәетләре табылган. Бу хакта төбәк Тикшерү комитетының телеграм-каналында хәбәр иттеләр, дип яза РЕН ТВ.
«Саратов шәһәренең «Жигули» дача төзелеш кооперативындагы гаражларның берсендә автомобиль салонында 3 һәм 7 яшьлек ике кечкенә кыз бала мәете табылды.
Шулай ук гаражда, алар янәшәсендә әниләренең мәете табылды», – дип белдерәләр ведомствода.Чыганак мәгълүматлары буенча, балалар машинада җылынырга теләгән, шунда алар тончыгып үлгән.
Тикшерүчеләр һәм криминалистлар вакыйга урынын тикшереп чыккан, суд экспертизалары билгеләнгән. Балигъ булмаганнарның мәетләрен тикшергәндә, көч кулланып үтерү билгеләре табылмаган.
Хокук саклаучылар җинаять эше кузгаткан һәм әлеге фаҗиганың барлык шартларын өйрәнә.
Свежие комментарии