Полиция хезмәткәрләре Карелия Республикасында туган 63 яшьлек хатын-кызны үтерүдә шикләнелгән 77 яшьлек пенсионерны тоткарлаган. Ир-ат аның Загородный проспектындагы фатирын арендалап торган була, аннары анда кеше калдыклары салынган пакет табалар. Бу хакта 29 мартта Эчке эшләр министрлыгының Петербург һәм Ленинград өлкәсе буенча Баш идарәсе матбугат хезмәтендә хәбәр итәләр, дип яза «Комсомольская правда».
«Фатир хуҗабикәсе белән фатирны арендалап торучы ир-ат арасында конфликт чыга, ир-ат хатынны үтерә һәм, җинаять эзләрен яшерү өчен, аның гәүдәсен кисәкләргә бүлеп чүплеккә ташларга була», – дип сөйлиләр хокук саклау ведомствосында.
Үтерүдә шикләнелүчене кара пакетлар салынган азык-төлек арбасын этеп чыгып барганда, җирле участковый туктата, ул пакет эчендә ниләр булуы белән кызыксына.
Өлкән яшьтәге ир-атны тоткарлыйлар һәм, алга таба тикшерү өчен, полиция бүлегенә китерәләр.
Свежие комментарии