Беренче йомгаклар буенча, Рөстәм Миңнеханов 91 проценттан артык тавыш җыйган

Татарстан Республикасының гамәлдәге Рәисе Рөстәм Миңнеханов төбәк җитәкчесен сайлауларда беренче 0,11 процент беркетмәләрне эшкәртү нәтиҗәсендә, 91,10 процент тавыш җыйган. Бу хакта Россия Үзәк сайлау комиссиясенә сылтама белән ТАСС хәбәр итә.

Бүген, 14 сентябрьдә, Татарстанда Бердәм тавыш бирү көне узды.

Республика халкы Татарстан Рәисе өчен тавыш бирде.

Татарстан Рәисен сайлауда дүрт кандидат катнаша (алфавит тәртибендә): Рөстәм Миңнеханов («Бердәм Россия»), Хафиз Миргалимов (КПРФ), Виталий Смирнов («Социаль гаделлек өчен Россия пенсионерлар партиясе») һәм Руслан Йосыпов (ЛДПР).

Татарстанда сайлау участоклары ябылды.

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/