Әгерҗедә «Гаилә тарихында Гасырлар кайтавазы» (6+) республика фестиваленең зона туры узды. Чара традицияләрне һәм гореф-гадәтләрне саклауга, шәҗәрәләрне өйрәнүгә багышланган. Республиканың сигез гаиләсе үзләренең уникаль архив материалларын тәкъдим итте, дип яза «Челнинские известия».
Яр Чаллыны фестивальдә танылган җырчы һәм композитор, Татарстанның халык артисты Виталий Агапов гаиләсе тәкъдим иткән.
Гаилә өченче урынны яулаган.«Программа төрле иде. Катнашучылар уникаль архив документлары белән үз шәҗәрәләрен тәкъдир иттеләр, милли киемнәрен, халык һөнәрләрен күрсәттеләр, фирма ризыклары белән сыйладылар», – диелә хәбәрдә.
Агаповлар гаиләсе өченче призлы урын белән бергә диплом һәм акчалата сертификат белән бүләкләнгән.
Свежие комментарии