Билгесез ир-ат имам йортын яндырмакчы булган

Ростов өлкәсендә узган төндә билгесез кеше төбәктәге баш имам Мөхәммәт Бикмаев йортын яндырырга омтылган. Бу хакта «Mash» Telegram-каналы хәбәр итә.

Ут төртүче Төркестан урамындагы мәчеттән 190 метр ераклыкта яшәүче имамның өенә кайтуын көтеп торган. Йортта яшәүчеләр йоклап киткәч, җинаятьче тәрәзәгә Молотов коктейлен ташлаган.

Янгынны оператив рәвештә сүндергәннәр. Имам сүзләренчә, зыян күрүчеләр юк, ул үзен яхшы хис итә.

Имам 2024 елның җәендә Ростов-Донда Тикшерү изоляторын кулга төшерүчеләр белән сөйләшүләрдә катнашкан, аларны коралларын ташларга һәм тоткыннарны азат итәргә күндергән булган. Ул вакытта 9 тоткын, камералардан чыгып, хезмәткәрләргә һөҗүм иткән иде. Штурм барышында 4 террорчыны юк иттеләр.