«Бүген ансыз беренче таң атты» - Юлия һәм Рөстәм Насыйбуллиннар гаиләсендә кайгы

Җырчы Рөстәм Насыйбуллин гаиләсе ишеген кайгы җиле шакыган. Рөстәмнең тормыш иптәше Юлиянең бабасы вафат. Бу хакта Юлия социаль челтәрләрдә язды.

Юлия 86 яшьлек бабасы белән кайчандыр гомер агышы, бакыйлык турында сөйләшкәнен видеога яздырган булган. «Узды китте гомерләр. Узганын сизми дә калдык. Хәзер төп йортка кайтырга әзерләнәбез, мәңгелек йортка», – дип сөйли аның якын кешесе.

«Менә шундый матур вакытта китеп барды бабай. Бүген ансыз беренче таң атты. Мәңгелек йортка озаттык менә. Урыны оҗмахта булсын», – ди Юлия.