Венесуэладагы Маракайбо күле дөньяда иң куркыныч күл булып санала. Күлнең Кататумбо елгасына койган урынында уникаль давыл болыты барлыкка килә, һәм яңгыр сезонында сәгатенә 280 тапкыр яшен яшьни. Бу хакта «РЕН ТВ» сайты яза.
Яшеннәр Маракайбоның төнге күген елына 150 көн буе яктыртып тора. Кайвакыт рәттән 12 сәгать яшьни.
Мондый күренеш дөньяда башка бер җирдә дә юк. Яшен уты күлдән йөзләгән километр ераклыкта да күренә, дип әйтәләр.Галимнәр, яшеннәрнең ни өчен шушы күлгә тартылуын белергә теләп, гасырлар буе баш вата. Күптән түгел бу сорауга җавап табылган: бөтен хикмәт күлдә, дөресрәге, аның урнашкан урынында икән.
«Күл ике тау сырты арасында урнашкан. Төнлә су өстендәге дымлы һава Анд тауларыннан исә торган салкынча бриз белән бәрелешә. Мондый каршылык һава өермәләре барлыкка китерә, һәм шуның аркасында яшеннәр еш барлыкка килә», – дип аңлаткан геофизик Трэвис Тейлор.
Свежие комментарии