«Чираттагы шарт капитуляция булачак» - Зеленский Путинның килешү шартларын кабул итми

<p>Украина президенты Владимир Зеленский Россия президентының конфликтны туктату турындагы килешүен ультиматум (кабул ителергә тиешле таләп) дип атап, аннан баш тартты. «Украина моңа ышана алмый», дигән ул Итальян журналисты Джузеппе Де Беллиска. </p> <p>Зеленский «Ул безнең басып алган мәйданнарыбыздан баш тартуны таләп итә, әмма басып алмаган җирләрне дә алмакчы була», – дигән.

</p> <p>Бүген Путин Тышкы эшләр министрлыгында очрашуда килешү шартларын әйтте. Россия президенты Украинаның 4 өлкәдән (Донецк, Луганск, Херсон, Запорожье) гаскәрләрен чыгаруны һәм НАТОга кермәүгә гарантия бирүен сорый. Бу шартлар үтәлмәсә, бүтән таләпләр булачак, диде Путин.</p> <p>Соңрак Думаның вице-спикеры Петр Толстой: «Минем уйлавымча, бу безнең тарафтан соңгы тынычлык килешүе. Чираттагы тәкъдим капитуляция турында булачак», дип язды.</p> <p>Толстой әйтүенчә, Көнбатыш илләре Украинага төкереп карый. «хәзерге шольц-байден-макроннар – бөтенләй башка кешеләр. Прагматик Рейган һәм Тэтчер президентның сүзен ишетерләр иде. Йөзләрен саклап калыр өчен тарткалашырлар иде, әмма кабул итәрләр иде», – дигән Толстой.</p>