Казанда яшәүче 53 яшьлек ир-ат өлкән яшьтәге әнисен үтерүдә гаепләнә. Бу хакта Татарстан прокуратурасы матбугат хезмәтенә сылтама белән «Коммерсантъ» яза.
Тикшерү мәгълүматлары буенча, 2025 елның гыйнварында ул үз әнисе белән өйдә булган. Ир-ат ярдәмгә мохтаҗ әнисенә һөҗүм иткән. Ким дигәндә 5 тапкыр – башына, йөзенә, бер тапкыр күкрәк читлегенә, аягына суккан.
Алган җәрәхәтләрдән хатын-кыз хастаханәдә вафат булган.Гаепләнүче ир-ат гаепләүләрнең бер өлешен таныган. Ул үз гамәлләрен алдан уйлап эшләнмәгән дип раслый. Хәзерге вакытта аның эше Идел буе район судында карала.
Свежие комментарии