Краснодар краеның Брюховецкий районында Переяславская станицасында фаҗига була. Машина йөртүче рульдә үлә һәм балалар мәйданчыгына килеп бәрелә. 3 бала имгәнә, алар хастаханәдә. Бу турыда «Комсомольская правда» хәбәр итте.
Фаҗига 8 сентябрьдә көндезге 3ләр тирәсендә була. Идарә ителми торган «семерка» шәхси йорт янында ясалган балалар мәйданчыгындагы карусельгә барып керә.
Машина белән 69 яшьлек ир-ат идарә иткән. Карусельдә 4, 7 һәм 8 яшьлек өч бала булган.
«Балалар уртача авырлыкта имгәнә», – дигәннәр Краснодар крае буенча Эчке эшләр министрлыгы идарәсендә.
Полиция хезмәткәрләре ачыклаганча, рульдә ир-атның хәле китә. Ул авария мизгелендә үлә.
«Якынча белешмә буенча, аңа инсульт була», – диелә ведомство хәбәрендә.
Свежие комментарии