Башта күзәтеп барган, аннары һөҗүм иткән: Көнче ир-ат йөргән кызын үтергән

Мәскәүдә җәмәгать транспорты тукталышы янында бер егет йөргән кызын пычак кадап үтергән. Бу хакта РЕН ТВ хәбәр итә.

Фаҗига Бескудниковский бульварында булган. Ир-ат башта кыз артыннан күзәтеп барган, аннан соң пычак белән һөҗүм иткән. Кыз алган җәрәхәтләрдән урында ук үлгән.

Мәскәү буенча Эчке эшләр министрлыгының Баш идарәсе матбугат хезмәтендә җинаятьче шулай ук кыз янында булган егетне дә пычак белән яралаган, дип хәбәр итәләр.

Хокук саклаучылар мәгълүматлары буенча, үтерүнең сәбәбе көнчелек булган.

Һәлак булган кызга 17 яшь булган. Шуннан соң ир-ат үз-үзенә кул салган.

РФ Тикшерү комитеты «Үтерү» маддәсе буенча җинаять эше кузгаткан.