<p>Башкортстанда машина йөртүче һәм салондагы пассажир хатын-кыз авариядән соң батып үлә язган. Авариягә очраган машина буадагы суга төшеп капланган. Бу турыда «Башинформ» хәбәр итте.</p> <p>Дәүләт автоинспекциясе белешмәсе буенча, бүген иртән Күмертау-Ермолаевка автоюлында «Лифан Солано» белән «Тойота РМФ 4» кара-каршы бәрелешә.
</p> <p>Ведомство белешмәсе буенча, «Тойота» белән 41 яшьлек ир-ат идарә итә. Ул Ермолаевкага таба бара. Шул чакта каршы як полосага чыга һәм «Лифан» белән бәрелешә. Аннары «Тойота» буадан елгага төшеп китеп каплана.</p> <p>«Тойота» йөртүчесе, салондагы 42 яшьлек пассажир хатын-кызны ашыгыч ярдәм машинасы хастаханәгә алып китә.</p> <p>Якынча белешмә буенча, «Тойота» йөртүчесенең хәле киткән, авария шул сәбәпле килеп чыккан булуы ихтимал. Тикшерү бара, диелә хәбәрдә.</p> <p><img alt="" src="https://api.bashinform.news/attachments/309b020abab0d36269b267c19a194e161ad4104d/store/crop/0/0/1280/960/1280/960/0/009d8ae0f22a3c11072e3d836d7dc70fd1614b062623398a0905dbed0dee/WhatsApp+Image+2024-06-19+at+11.31.13.jpeg" /></p>
Свежие комментарии