<p>Бүген Зәйдә Украинадагы махсус операциядә һәлак булган өлкән сержант Ринат Әхмәдиевне соңгы юлга озаттылар. Хушлашу мәрасиме Зәйнең «Энергетик» мәдәният йортында узды. Бу хакта «Заинск Плюс» «ВКонтакте» төркемендә язалар.</p> <p><img alt="" height="890" src="https://intertat.tatar/images/uploads/4b7a6a71e58e4dc037049eb3e95abc10.
jpg" width="1170" /></p> <p>Ринат Әхмәдиев Зәй авылында туып үсә, мәктәпне тәмамлаганнан соң, армиядә хезмәт итә. 2024 елның 12 февраленнән контракт буенча махсус операция зонасына хәрби хезмәткә китә. Взвод командиры урынбасары була. Ринат Әхмәдиев 2024 елның 5 маенда һәлак була.</p> <p>Аны соңгы юлга озатырга дуслары, таныш-белешләре, туганнары һәм якыннары җыелган.</p> <p><img alt="" height="781" src="https://intertat.tatar/images/uploads/6b4164b09d850e15411262ea90c6ba0c.jpg" width="1170" /></p> <p>Хәрбине бер минут тынлык белән искә алдылар. Хушлашу мәрасиме чәчәкләр салу белән төгәлләнде, ә соңыннан хәрбинең җәсәде салынган табутны Җиңү бульвары аша алып бардылар. Аны Тынычлык бистәсе зиратында җирләделәр.</p> <p>«Бүген Зәй халкы Ватаныбыз сакчысы, өлкән сержант, махсус операциядә хәрби бурычын үтәгәндә һәлак булган Әхмәдиев Ринат Миргалим улын соңгы юлга озатты.</p> <p><img alt="" height="781" src="https://intertat.tatar/images/uploads/fe0d1bd9914b6b6dc7effd132d44cb81.jpg" width="1170" /></p> <p>Ринат Миргалимович безнең йөрәкләрдә мәңге яшәячәк. Авыр туфрагы җиңел булсын! Ватаныбыз азатлыгы һәм бәйсезлеге өчен һәлак булганнарга мәңгелек дан! » – дип язган «ВКонтакте» аккаунтында Зәй районы башлыгы Рәзиф Кәримов.</p>
Свежие комментарии