Сабан туеның күрке – көрәш, ат чабышы һәм, әлбәттә, артистлар. Сабан туйлары башланырга 1-2 атна калганда телдән телгә, чаттан чатка «монда бу артист, тегендә теге артист» дигән хәбәрләр йөри башлый. Район Сабан туйларында кайсы артистларның чыгыш ясавы - «Интертат» исемлегендә.
<p>Исегезгә төшерәбез: 2024 елда Сабантуйлар 8-9 июньдә Татарстанның районнарында һәм авылларында, 15 июньдә Чаллыда һәм Түбән Камада, ә 23 июнь Казанда узачак. </p> <ul> <li>«450 меңнән башлап 1 миллионга кадәр»: Сабантуйларда кайсы җырчы күпмегә чыгыш ясый?</li> </ul> <p>Азнакай районы мәдәният идарәсе биргән мәгълүматларга караганда, район сабан туенда быел <strong>Гүзәл Уразова</strong> белән <strong>Илдар Хәкимов</strong> чыгыш ясый. Шулай ук бәйрәм мәйданында <strong>Равил Галиевны</strong> күрү мөмкин булачак.</p> <p>Азнакай районының Актүбә авылына <strong>Гөлназ</strong> һәм <strong>Илсур Шәрипҗановлар</strong> килүе көтелә.</p> <p>Алексеевск районы сабан туен <strong>«Зәкәрия» </strong>фольк төркеме, <strong>Гөлназ</strong> һәм <strong>Илсур Шәрипҗановлар</strong>, <strong>АВIEM Project</strong>, автор башкаручы <strong>Хәмид Мәткәримовлар </strong>гөрләтәчәк.</p> <p>Әлмәттә сабан туе 9 июнь көнне була. Әлмәтлеләргә бәйрәм концертын <strong>Гүзәл Уразова </strong>төркеме һәм<strong> Миләүшә Тәминдарова </strong>җитәкчелегендәге Татарстан дәүләт камера хоры куя.</p> <p>Әтнә районы сабан туе Олы Әтнә авылында 8 июнь көнне уздырыла «Безнең район сабан туена җырчылар килми. Район сабан туенда элек-электән үзешчән җырчылар гына чыгыш ясый. Бу инде үзе бер традиция. Эстрада җырчыларын чакырмыйбыз. Эстрада артистлары районның авылларына киләләр. Ләкин бездә алар буенча төгәл мәгълүмат юк әле», – диделәр «Интертат»ка мәдәният бүлегендә.</p> <p>Арча районында <strong>Данир Сабиров</strong> төркеме белән чыгыш ясаячак. Арчада Сабантуй 9 июнь көнне 9:00 сәгатьтә башлана. Данир Сабировның чыгышы, уеннар һәм бүләкләүдән соң, 12:00 сәгатьтә көтелә.</p> <p>Актаныш районының Иске Теләкәй авылында <strong>Даниф Шәрәфетдинов </strong>һәм аның төркеме чыгышы көтелә. Иске Теләкәй авылы мәдәният йорты афишада, Сабантуй 8 июнь көнне 15:00-17:00 сәгатькә кадәр бара, дип билгеләгән.</p> <p>Шулай ук Усы авылында 8 июнь көнне 10:00 -14:00 сәгатьтә узачак сабан туенда Татарстан һәм Башкортстанның атказанган артисты <strong>Символ Гайнетдин-Агыйделский</strong> һәм <strong>Лениза Гайнетдинова</strong> чыгышы көтелә, дип хәбәр ителә.</p> <p>Апаста сабан туе шулай ук 8 июнь көнне була һәм 11:00 сәгатьтә башлана. Бәйрәм афишасында «15:00 сәгатьтән алып 17:00 сәгатькә кадәр <strong>Алмаз</strong> һәм <strong>Зөлфирә Мирзаяновларның</strong> бәйрәм концерты» дип тора.</p> <p>Алабуга сабан туеның махсус кунагы – <strong>Фирдүс Тямаев</strong>. Алабугада бәйрәм 9 июнь көнне уза. Авылларында Сабантуйлары 8 июнь көнне булачак, диделәр «Интертат»ка.</p> <p>Шулай ук Алабуга районының Морт авылында <strong>Данир Сабировның</strong> чыгыш ясавы көтелә.</p> <figure class="image"><img alt="" height="780" src="https://intertat.tatar/images/uploads/f243e88360aebcd4ca96408aefe2cd56.jpg" width="1170" /> <figcaption> <p>Фото: © «Татар-информ», Абдул Фархан</p> </figcaption> </figure> <p>Баулы районы сабан туена Чаллының <strong>«Болгар» бию ансамблен</strong>, якташлары, җырчы<strong> Вил Усмановны</strong> көтәләр.</p> <p>Балтач районы бәйрәмендә җырчылар <strong>Зәйнәб Фәрхетдинова</strong>, <strong>Гөлсирин</strong> һәм <strong>Азат Абитовлар</strong> чыгыш ясаячак.</p> <p>Буа районында махсус кунаклар – <strong>Айдар Галимов </strong>һәм <strong>Фирзәр Мортазин</strong>. Алар икесе дә 19:00-22:00 сәгатьләр аралыгында, кичке Сабантуйда чыгыш ясаячаклар.</p> <p>Бөгелмәдә бәйрәм концерты 8 июнь көнне 10:00 башлана. Сәгать 11:00да <strong>Салават Фәтхетдинов</strong> чыгышы көтелә. Шулай ук бәйрәмдә <strong>Гөлназ Солтанова</strong> һәм Чаллының <strong>«Татарстан» бию ансамбле</strong> чыгышы да булачак.</p> <p>Сабантуйда Раил Садриев та чыгыш ясарга тиеш булган. Соңгы арада артист тирәсендә барган вазгыятькә ишарәләп: «Бәйрәмгә кадәр барысы да җайланыр, һәм ул да булыр дип уйлыйбыз», – диделәр «Интертат» хәбәрчесенә районның мәдәният идарәсендә.</p> <p>Биектау районы сабан туе 8 июнь көнне була. Биектаулыларга бәйрәм концертын <strong>Элвин Грей</strong> бүләк итәчәк. Чыгыш ясау вакыты әлегә төгәл билгеле түгел.</p> <p>Балык Бистәсендә сабан туе 9 июнь көнне уза. Сәхнәне <strong>Фирдүс Тямаев </strong>һәм <strong>Раяз Фасихов </strong>кыздырачак. Раяз Фасиховның чыгышы сәгать 11:00га, Фирдүс Тямаевныкы 16:00 планлаштырылган.</p> <p>Балык Бистәсенең Казаклар Чаллысы авылында <strong>Олег Фазылҗанов </strong>булачак. Әмма авылда сабан туе 22 июнь көнне генә узачак. Башлану вакыт 10:00 сәгатьтә.</p> <p>Зәй районында кичке Сабантуй Иске Зәйдә узачак. Бәйрәмдә <strong>Нәркис Зиннәтуллин</strong> чыгышы көтелә. Сабантуй кичке 6да башлана һәм 9га кадәр дәвам итәчәк.</p> <p>Кукмара сабан туе 9 июнь көнне 10:00 сәгатьтә Киндеркүл авылы мәйданында була. Сабантуй кунакларын <strong>Алсу </strong>һәм <strong>Азат Фазлыевлар </strong>үзләренең җырлары белән сөендерәчәкләр.</p> <p>Кама Тамагында <strong>«Гөлләр» вокаль ансамбленең</strong> чыгышы көтелә. Сабантуй 8 июнь көнне көндезге 10да башлана. «Әлегә төгәл мәгълүмат бирмәделәр, без «Гөлләр» вокаль ансамбленең чыгыш ясавын гына беләбез», – диделәр мәдәният идарәсендә.</p> <p>Лениногорск сабан туенда <strong>Артур Минһаҗев</strong> һәм <strong>Гүзәлия </strong>җырлый. «Сабантуй сәгать 10да башлана. Эстрада җырчыларының чыгышы сәгать 11.00ләргә планлаштырылган», – диделәр мәдәният идарәсе белгечләре.</p> <p>Лаеш Сабан туенда <strong>Айдар Галимов</strong>, <strong>Асылъяр</strong>, <strong>Сәидә Мөхәммәтҗанова</strong>, <strong>Азат </strong>һәм <strong>Алинә Кәримовлар</strong>, <strong>Игорь Горчаков</strong>, <strong>Шамил Галиев</strong>, <strong>«Казан» бию ансамбле</strong> булачак. Бәйрәм концерты 8 июнь көнне 11:00 башлана.</p> <p>«Интертат»ка иң тулы мәгълүматны Мамадыш районында җиткерделәр. Мамадышта Сабантуй 8 июнь көнне була. Бәйрәм мәйданында 12.00 сәгатьтә <strong>Филүс Каһиров</strong>, 13.00 сәгатьтә <strong>Илсөя Бәдретдинова</strong> җырлаячак. Кичке 19.00 сәгатьтә халыкны <strong>«Дискотека Авария» төркеме</strong> чыгышы көтә.</p> <p>Районның Владимир авылында <strong>Вадим Захаров </strong>җырлаячак.</p> <p>Новый поселогы сабан туена алып баручы <strong>Алмаз Гыймадиев</strong>, җырчы <strong>Фәнүзә</strong>, музыкант <strong>Әмир Шәехов </strong>чакырулы.</p> <p>Югары Сон сабан туена <strong>Булат Бәйрәмов</strong>, <strong>Ләйсән Гыймаева</strong> һәм аларның кызлары <strong>Таңсылу</strong> килә.</p> <p>Түбән Ушма авылы сабан туенда <strong>Рөстәм Закиров</strong> җырлый.</p> <p>Олыяз авылы бәйрәменә<strong> Рәсим Низамов </strong>һәм <strong>Марат Локмановлар </strong>килә.</p> <p>Минзәлә Сабан туенда <strong>Зәйнәб Фәрхетдинова</strong>, <strong>Зөфәр Билалов</strong>, <strong>Раяз Фасихов</strong>, <strong>Гөлүс Хабибрахманов</strong>, <strong>Алмаз Хәсәнов</strong>, <strong>Федор Кузнецов</strong> үзләренең җырларын бүләк итәчәкләр. Артистларның чыгышы 8 июнь көнне 11:00дан соң көтелә.</p> <p>Шулай ук Минзәләнең Урыс авылында <strong>Гүзәл Әхмәтова </strong>чыгыш ясарга тиеш. Авылларда сабан туе 15:00да башлана.</p> <figure class="image"><img alt="" height="780" src="https://www.tatar-inform.ru/images/uploads/a5a8dc39b001cdfae05004051eb36e58.jpg" width="1170" /> <figcaption> <p>Фото: © «Татар-информ», Владимир Васильев</p> </figcaption> </figure> <p>8 июнь көнне 13:30 Менделеевскида <strong>Ришат Төхвәтуллин</strong> чыгыш ясаячак, соңыннан «<strong>ABIEM Project»</strong>тан дискотека көтелә. Ришатны шулай ук 9 июнь көнне 14:00 сәгатьтә Яшел Үзәндә дә күреп булачак.</p> <p>Мөслим район сабан туе 9 июнь көнне 10:00 сәгатьтә башланачак. «Бездә сабан туен «Болгар» радиосы хезмәткәрләре алып барачак: <strong>Рөстәм Гайзуллин</strong>, <strong>Эльвира Вильдан</strong>, <strong>Илнар Йосыпов</strong>. Шулай ук <strong>«Казан» бию ансамбле </strong>һәм<strong> Казан шәһәр филармониясе</strong> артистлары чыгыш ясаячак», – дип, хәбәр иттеләр мәдәният идарәсе хезмәткәрләре.</p> <p>Нурлатта <strong>Рафис Кәлимуллинны</strong> күреп булачак. Аның чыгыш 8 июнь көнне 12:00-13:00 кадәр дәвам итәчәк.</p> <p>Питрәчтә район сабан туе гына узачак, авылларда үткәрелми. Питрәч сабан туеның сәхнәсендә <strong>Марат Яруллинны</strong>, <strong>«Ямьле» төркемен</strong> һәм <strong>Игорь Дмитриевны</strong> күреп булачак. Сабантуй 8 июнь көнне 10:30 башлана.</p> <p>Сабада <strong>Рифат Зарипов</strong> һәм <strong>Ризат </strong>белән <strong>Зинирә Рамазановлар</strong>ның чыгышлары көтелә. Сабан туе 8 июнь көнне 13:00 сәгатьтә башлана. «Артистларның чыгышы кичке якта көтелә, төгәл вакыты әлегә билгеле түгел», – диделәр мәдәният идарәсендә «Интертат»ка.</p> <p>Сарманда кичке һәм көндезге сабан туе оештырылачак. Көндезге сабан туе 8 июнь көнне 10:00 башланачак, ә кичке Сабантуй 9 июнь көнне кичке 19:00 була. Кичке сабан туенда <strong>Илнат Фәрхуллин </strong>чыгыш ясый.</p> <p>Шулай ук Сарман районының Иске Әлмәт авылында Алсу белән <strong>Азат Фазлыевлар</strong> чыгышы көтелә. Башлану вакыты – 8 июнь 16:00 сәгатьтә.</p> <p>Спас районында <strong>Мөнир Рахмаев</strong> һәм <strong>«Алтын» халык бию ансамбле</strong> чыгышы булачак. Концерт программасы 8 июнь көнне 10:10 башланачак.</p> <p>Түбән Камада сабан туе 15 июнь көнне узачак. «Төрле сәхнәләрдә <strong>Айдар Фәйзрахманов</strong>, <strong>«Зәкәрия» фольк төркеме</strong>, <strong>Фирдүс Тямаев</strong>, <strong>Ришат Төхвәтуллин</strong>, <strong>Рифат Зарипов</strong>, <strong>Гөлназ </strong>белән <strong>Илсур Шәрипҗановлар</strong>, <strong>«Чәк-чәк» кавер төркеме</strong>, <strong>Роберт Ямгуров</strong>, <strong>«Кристайл» шоу балеты</strong> булачак», – дип хәбәр иттеләр мәдәният идарәсендә «Интертат»ка.</p> <p>Тәтештә сабан туе 8 июнь көнне 10:00 сәгатьтә башланачак. Бәйрәмдә <strong>Зөлфирә </strong>белән <strong>Алмаз Мирзаяновлар</strong>, <strong>Татарстан Республикасы дәүләт җыр һәм бию ансамбле</strong>, <strong>Флорид Гиззатуллин</strong> чыгышы булачак.</p> <p>Теләчедә сабан туе 8 июнь көнне 10:00 башлана. Бәйрәм сәхнәсен <strong>Фирдүс Тямаев</strong> кыздырачак. Аның чыгышы 14:00 сәгатькә планлаштырылган. Шулай ук <strong>«Бәрмәнчек» ансамбле</strong> һәм <strong>«Сәйдәш» бию коллективы</strong> да булачак.</p> <p>Тукай районы Сабан туеның махсус кунагы – <strong>Данир Сабиров</strong>. Мәйданга, шулай ук, <strong>Лилия Хәйруллина</strong>, <strong>Гөлүс Хәбибрахманов</strong>, <strong>Лия Шәмсина</strong>, <strong>Артур Маузер</strong>, <strong>Хәят</strong>, <strong>Виталий Агаповлар </strong>чакырулы.</p> <p>Югары Осланда махсус чакырылган кунак – <strong>Зөһрә Шәрифулинна</strong>. «Без зур артистларны чакырмыйбыз, барысын да үз көчебез белән үткәрергә тырышабыз», – диде Югары Ослан мәдәният идарәсе. Башлану вакыты: 8 июнь, 10:00 сәгатьтә.</p> <p>Яңа Чишмә районында сәхнәне <strong>«Городские пижоны» кавер-төркеме</strong>, <strong>Ильназ Минвалиев</strong> һәм <strong>«Риваять»</strong> этно-төркеме кыздырачак. Сабантуй 8 июнь көнне 10:00 сәгатьтә башлана.</p> <p>Чирмешәннең бәйрәм концертында <strong>Илназ Минвалиев</strong>, <strong>ИлСаф</strong>, <strong>Флорид Гиззатуллин</strong>, <strong>Рузиля Булатова</strong>, <strong>Айнур Галләмов</strong>, <strong>Гөлназ Солтанова</strong>, <strong>Айгөл Хәернасова</strong>, <strong>Әлфис Галиуллин</strong> булачак. Бәйрәм 9 июнь көнне 10:00 башлана.</p> <p>Чүпрәле районында <strong>Зинирә </strong>белән <strong>Ризат Рамазановлар</strong> чыгыш ясаячак. Сабантуй районда 9 июнь көнне узачак. Артистларның чыгыш 11:30 сәгатькә планлаштырылган.</p> <p>Чистай сабан туенда <strong>Рифат Зарипов</strong>, <strong>Ильмира Нәгыймова</strong>, <strong>Ришат Төхвәтуллин</strong>, Россиянең атказанган артисты <strong>Николай Расторгуев</strong> һәм <strong>«Любэ» төркеме </strong>чыгышы булачак. Рифат Зарипов – 12:40, Ильмира Нәгыймова – 14:30, Ришат Төхвәтуллин – 16:00, «Любэ» төркеме – 16:30 чыгыш ясый. Сабантуй 8 июнь көнне 10:00 сәгатьтә Ипподромда ат чабышлары белән башланып китәчәк. Төп мәйданчык «Татнефть-Олимп» стадионында урнашкан.</p> <p>Чаллыда Сабантуй 15 июнь көнне узачак. Сабантуйның хедлайнеры булып, татар эстрадасының «топ-йолдызы» <strong>Салават Фәтхетдинов</strong> торачак.</p>
Свежие комментарии