Казанның Рауис Гәрәев урамында 13 һәм 14 яшьлек яшүсмер кызлар үзләре яшендә булган кызга һөҗүм иткән. Әлеге хәл 107 нче йорт янында була.
«Татар-информ»га билгеле булганча, һөҗүм итүче 4 кызны тоткарлаганнар һәм полиция бүлегенә китергәннәр. Аларның аңлатмаларына караганда, агрессия сәбәбе – һөҗүм ителгән кызның алар турында ялган имеш-мимешләр таратуы.
Җавап итеп, алар физик үч алырга булган.Яшь хулиган кызларны полиция бүлегеннән әти-әниләре алып кайтып киткән. Хәзер хокук саклау органнары булган хәлнең шартларын ачыклый.
Свежие комментарии