Менә Ташкичү авылында яшәгән Гөлсинә дә хастаханәгә төбәп килгән иде улы Алмаз белән. Район врачлары аның кайсыдыр төшендә үзгәрешләр барганын хәбәр иттеләр, республика хастаханәсенә юллама яздылар. Врач авызыннан мондый хәбәрләрне дустыңа түгел, дошманыңа ишетергә язмасын. Атна буе тынгылык тапмады хатын, бар тәнен хәлсезлек биләде, кәефе китте. Төнннәрен йоклый алмый боргаланганда, «соңгы сәгатьләрем җитәдер» дип, әллә нәрсәләр юрап бетте.

Балаларның кайсысына нәрсә калдырырга, алтын бизәнү әйберләрен килен белән кыз арасында ничек тигез бүлгәләргә, иренә нинди васыятьләр әйтергә – барысын-барысын күңелендә ныгытты Гөлсинә. Аулакта калганда, үзен жәлләп, мышык-мышык күз яшьләре түкте. Нигә аңа гына каныга язмыш... https://intertat.tatar/news/baxetne-ezlibez-eraktan-karim-kara-5859572