Татарстанның Бөгелмә районындагы авылны су баскан

<p>Татарстанның Бөгелмә районы Татар Димскәе авылын су баскан. Бу видео социаль челтәрләрдә чыкты.</p> <p>Видеода күренгәнчә, авыр урамнары буйлап яңгыр суларыннан «ясалган» елга ага, агач ботаклары да җирдә аунап ята. Шулай ук авыл зиратын да су баскан, дип яза «Именно шулай» телеграм-каналы.

</p> <div class="ckeditor-html5-video" data-responsive="true" style="text-align: center;"> </div> <p>Бөгелмә районы башлыгы Линар Закиров бу хәлгә аңлатма бирде.</p> <p>«Бүген көчле яңгырлар аркасында Татар Димскәе авылын су басты. Бәхеткә, һәлак булучылар, зыян күрүчеләр юк. Торак йортларга да зыян килмәде. Социаль объектлар да штат режимында эшли.</p> <p>Халыкны эвакуацияләү һәм вакытлыча яшәү урыннары булдыру таләп ителми. Хәлне контрольдә тотабыз! Барысы да яхшы. Зыян күрүчеләр һәм җимерелгән урыннар юк!» – дип сөйләгән ул.</p>