Ульяновск өлкәсендә укучы кызның бугазын кисеп, гәүдәсен базга ташлаганнар.
«SHOT» телеграм-каналы мәгълүматлары буенча, ерткычларча үтерү җинаяте 3 апрель көнне Тумкино авылында кылынган. 14 яшьлек Влада өйдә ялгызы булган. Аның әнисе кунарга дип танышына китә һәм бу турыда кызын алдан кисәтә. 4 апрель көнне иртәнге 6 тирәсендә әнисе Владага шалтыратырга тырышып карый, ләкин трубканы алучы булмый.
Шуннан соң хатын танышына шалтыратып, укучы кызны тикшерүен сорый: өйдә барысы да кан эчендә була. Кан тамчылары Владаның сулышсыз гәүдәсе яткан базга таба сузыла.
Һәлакәт урынына шунда ук оператив хезмәтләр чакырыла. Тикшерү алып барыла, үтерүчене эзлиләр, полиция хезмәткәрләре шулай ук әнисе белән яшәгән ир-атны тикшерә.
Свежие комментарии