Красногорск шәһәрендә яшәүче хатын шәхси клиникада 3 тапкыр операция ясата, аннары комага китә һәм 1 елдан үлә. Бу турыда РЕН ТВ яза.
68 яшьлек хатында онкология була. 2023 елның ноябрендә, аның үпкәләреннән сыеклыкны суыртып алу өчен, 2 тапкыр операция ясыйлар. Аннары аның эченә кан сава, һәм йөрәге туктый.
«Өченче операция ясадылар. Шуннан соң ул комага китте», – дигән сайт чыганагы.
1 ел чамасы, 27 ноябрьгә кадәр ул шундый халәттә ята. 28 ноябрьдә үлә. Хастаханә исә мәрхүмәнең туганнарына 25 млн сумлык хисап тоттыра – күрсәтелгән хезмәтләр өчен түләү.
Пенсионер хатын гаиләсе исә хокук саклаучыларга мөрәҗәгать иткән. Алар, шәхси клиникада ярдәм дөрес күрсәтелмәү аркасында туганыбыз үлде, дип шикләнә.
Җинаять эше ачылган, диелә хәбәрдә.
Свежие комментарии