2025 елда Россия базарыннан дистәләгән Кытай автобрендлары китәчәк, чөнки илдә аларга ихтыяҗ югары түгел. Бу хакта «Ura.ru»га «Россия автомобиль дилерлары» (РОАД) ассоциациясе башлыгы Алексей Подщеколдин сөйләгән.
Аның сүзләренчә, Россиядән 3 ел эчендә сервис үзәкләре челтәрен булдырмаган һәм, димәк, оператив рәвештә ремонт һәм запас частьләр бирә алмаган аз билгеле булган брендлар китәчәк.
Хәзерге вакытта Россиядә яңа һәм икенчел базарларда 100дән артык брендтагы машиналарны сатып алырга мөмкин, аларның 60 проценты – кытайныкы, ә 5-6 проценты – рәсми рәвештә илдән китүчеләр, ләкин базарга «соры канал»лар һәм югарырак бәяләр буенча килүчеләр.
Россия автобазарында ныгып китә алмаган брендларның берсе – Кытайның «Lifan» компаниясе. Концерн барлык вакыт эчендә безнең илдә 160 мең машина сата алган, шуларның 120 меңен ЮХИДИга учетка куйганнар. Россиядә бу машиналарга запас частьләр табып булмый диярлек. Шундый ук проблема белән Россия базарыннан китүче башка Кытай автомобильләре хуҗалары да очрашачак.
Свежие комментарии