Җырчы Алсу һәм бизнесмен Ян Абрамов 18 ел никахта тупланган милекне бүлешүләрен дәвам итәләр. Артистка бизнесменның хәрәкәтен чикләүне таләп итә, моны аның алдындагы бурыч йөкләмәләре белән аңлата. Әмма суд йолдызның дәгъвасын канәгатьләндерүдән баш тарткан, дип хәбәр итә Мәскәү шәһәренең гомуми юрисдикция судларының матбугат хезмәте.
Элеккеге ир белән хатынның бүлешерлек милке бар: «Лордс крикет граунд» стадионыннан ерак түгел Лондонда фатир, Кипрда, АКШта, Франциядә, Монакода һәм Россиядә күчемсез милек бар. Бизнесменның адвокаты Александр Добровинский ир белән хатынның активларын 30 миллиард сумга бәяләде. Процесс башында ир-ат элеккеге хатынына компенсация сыйфатында 2,5 миллиард тәкъдим иткән, дип хәбәр ителгән иде, тик Алсу баш тарткан.
Шунысы сөендерә, элеккеге ир белән хатын балаларын бүлешергә җыенмыйлар. Добровинский алар 3 варисны — 18 яшьлек Сафина, 17 яшьлек Микелла һәм 8 яшьлек Рафаэльне тәрбияләү мәсьәләләрендә «диалог алып баралар» дип әйткән. Балалар Алсу белән яшәргә кала, ләкин Абрамов белән тоткарлыксыз аралашалар. Алиментлар турында сүз дә юк: бизнесмен улын һәм ике кызын тулы күләмдә тәэмин итә.
Свежие комментарии