<p>Кешеләр керемнәре аз булганда да, керемнәре артканда да кредит алачак, бу – шундый парадокс. Бу хакта Петербург халыкара икътисад форумында Россия Үзәк Банкы башлыгы Эльвира Нәбиуллина әйтте, дип яза «Лента.Ру».</p> <p>Эльвира Нәбиуллинага элегрәк әйткән кайбер сүзләрен дә исенә төшергәннәр.
Мәсәлән, 2019 елда ул, кешеләр аз керем аркасында кредит ала, дип әйткән булган. Ә быелның апрелендә, кредитлар арту керем артуга бәйле, дип әйткән.</p> <div class="ckeditor-html5-video" data-responsive="true" style="text-align: center;"> </div> <p>Нәбиуллина моның «парадокс булуы» белән килешкән. Әмма, аның фикеренчә, кешеләр чынлап та кредитны тормыш начар булганнан, чарасызлыктан алырга мәҗбүр. Тик яхшы тормыштан да кредит алалар, мондый кешеләр киләчәктә булачак керемнәр хисабына, тормышларын яхшыртуны хәзердән үк финанслый.</p> <p>Россиядә инде кредит алган кешеләрнең һәм аз керемле кешеләрнең кредитлары арту тенденциясе берничә ел дәвамында күзәтелде, диде Нәбиуллина. Аның сүзләренчә, бу беркая да юкка чыкмаган. Аз керемле кешеләрнең кредитка мохтаҗлыгы әле дә саклана. Аерым алганда, моны микрокредитлар белән булган вазгыять тә дәлилли.</p> <p>Алдарак хәбәр ителгәнчә, төп ставка арту кредитларны киметмәгән, банклар халыкка кредит бирүне дәвам иткән, ә аларның күләме ай саен рекорд яңарта башлаган. 2023 елда ипотека кредиты портфеле 34,5 процентка, тарихта беренче тапкыр рекордлы дәрәҗәгә «сикергән». Кулланучы кредитлары күләме 15,7 процентка, автокредитлар 41,6 процентка арткан. </p> <p>Шулай ук Россиядә 90 көннән артык түләнмәгән кулланучы кредитлары саны кимегән. 2024 елның 30 апреленә мондый кредитлар саны узган ел белән чагыштырганда 7,2 миллионнан 6,87 миллионга төшкән.</p>
Свежие комментарии