Боливиядә көчле су басулар 50дән артык кешенең гомерен өзгән

Боливиядә су басу нәтиҗәсендә 50дән артык кеше һәлак булган. Илдә гадәттән тыш хәл игълан ителде, дип белдерә Боливия башлыгы Луис Арсе.

Гадәттән тыш хәлнең сәбәбе булып, коеп яуган яңгырлар һәм даими су басулар тора, алардан 370 меңнән артык гаилә зыян күргән.

«Бу табигый бәла-казалар безне илдә гадәттән тыш хәл игълан итәргә мәҗбүр итә», – ди Арсе, аның сүзләрен «Reuters» агентлыгы китерә.