Кемеров өлкәсендә күршеләргә кергән 6 яшьлек кызны бәйдә торган эт талап үтергән. Әлеге факт буенча җинаять эше ачылган. Бу турыда «Вести» каналы хәбәр итте.
Фаҗига Краснобродский бистәсендә 17 августта була.
Якынча белешмә буенча, 6 яшьлек кыз үзе генә урамда уйнап йөри, аннары күршеләр участогына керә.
Биредә аңа бәйдә тора торган эт ташлана. Кыз бик җитди имгәнә һәм шунда ук үлә.Тикшерү эшен прокуратура контрольгә алган. Шулай ук балигъ булмаган балаларның караучысыз калуын һәм хокук бозуларын профилактикалау буенча законнар таләпләре, йорт хайваннарын асрау кагыйдәләре үтәлешен тикшерәчәкләр.
Свежие комментарии