Тимергали хәзрәт Юлдашев телеграм-каналында кыямәттә биреләчәк 4 сорауны әйтте.
«Расүлебез салләллаһу галәйһи вә сәлләм болай дигән:
«Кыямәт көнендә колның, 4 нәрсә хакында соралмыйча, аяклары урыныннан кузгалмас.
Алар:
– гомерен ничек үткәрүе;
– яшьлеген ничек уздыруы;
– байлыгы һәм аны каян алуы, кайда тотуы;
– гыйлеме һәм аның белән нинди гамәл кылуы турында соралыр» (имам Әт-Тирмизи).
Һәркемгә дә игелекле, имин, хәерле, бәрәкәтле гомерләр насыйп булса иде. Җомга көнебез мөбарәк булсын! Раббым ике җомга арасында бакыйлыкка күчкәннәрнең белеп һәм белми кылган гөнаһ, хата-кимчелекләрен гафу итсә иде!» дип яза хәзрәт.
Свежие комментарии