«Сорап та тормады»: Зөлфирә һәм Алмаз Мирзаяновларның кызлары әнисе янына сәхнәгә чыккан

Зөлфирә һәм Алмаз Мирзаяновларның кызлары, бәләкәй Нәзирә, әнисе янына сәхнәгә чыккан да, тамашачыны шаккатырган.

«Сорап та тормады, әнисе янына сәхнәгә чыгып китте Нәзирә», – дип яза баланың әтисе. Бәләкәч һич кенә дә каушап калмый, чыга да, әнисен кочаклап ала. Зөлфирә алдында эшләп торган вентилятор янына килеп баскач: «Монда җил исә», – ди кызчык.

Нәзирә тамашачыга шигырь дә сөйләп бирә. Халык аны бик җылы каршы ала.

Видео астында комментарий калдыручылар да сокланган.

И-и-и Аллам, яңа туган иде бит! Инде концертта шигырь сөйләп йөри. Күз тимәсен үзенә! Булачак артист;

Алма агачыннан ерак төшми инде, афәрин!

Ике талант иясеннән туган бала талантлы булмый калмас инде. Бер үк күз тия күрмәсен, – дип бик матур теләкләр язып калдырганнар.