Директор түгел: Илгиз Зәйниев Камал театрында нинди вазифада?

Камал театры директоры булган Илгиз Зәйниев хәзер башка вазифада. Ул «Нәүрүз» фестиваленә багышланган матбугат конференциясендә Камал театрының сәнгать җитәкчесе буларак катнашты.

Илгиз Зәйниев 15 майдан Камал театрының сәнгать җитәкчесе дип билгеләнгән. Моңарчы ул театрның директоры иде. Бу үзгәрешләр театрның Уставына үзгәрешләр кертү белән бәйле.

Уставка үзгәрешләр кертелгән һәм театрның сәнгать җитәкчесе вазифасы барлыкка килгән.

Илфир Якупов хәзер сәнгать җитәкчесенең беренче урынбасары (директор урынбасары иде). Камал театрының баш режиссеры Фәрит Бикчәнтәев шулай ук баш режиссер булып калды.

Камал театрының баш режиссеры Фәрит Бикчәнтәев чакыруы буенча, узган ел азагында Илгиз Зәйниев театрның директоры итеп билгеләнгән иде.

• Илгиз Зәйниев: «Татарстан урамындагы бинабызның Камал театрына калуын теләр идем»