Татарстан Язучылар берлеге рәисе Ркаил Зәйдулла да Розалина Шаһиева кебек шәхесләрнең арабыздан китүе күңелдә бушлык тудыруын әйтте.

– Ул әле 1 атна элек кенә Язучылар берлегенә шигырь китапларын алып килгән иде. 1 атнадан соң тагын килергә вәгъдә биреп, шигърият турында сөйләшәсе бар әле, дип саубуллашты.

Берничә ел элек аның белән бергә «Васильево» шифаханәсендә булырга туры килде. Ул гаҗәеп сүз остасы иде. Сөйли башласа, сәгатьләр буе татар сәнгате, мәдәнияте турында гына түгел, фарсы, Үзәк Азия мәдәнияте турында да сөйли иде. Шул җәһәттән, мин үземне күпмедер дәрәҗәдә аның шәкерте дип тә саныйм.


Сәнгать белгече Розалина Шаһиева белән хушлашу: «Җәсәденнән дә татарлык сизелеп тора иде» https://intertat.tatar/news/sangat-belgece-rozalina-sahieva-belan-xuslasu-asadennan-da-tatarlyk-sizelep-tora-ide-5866179