Актаныш районы башкарма комитетының элеккеге җитәкчесе Рөстәм Ильясовка карата ришвәт һәм мошенниклык турында җинаять эшен судка тапшырганнар. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкийга сылтама белән «Татар-информ» хәбәр итте.
Тикшерү версиясе буенча, 2018, 2019 һәм 2021 елларда Ильясов, Мөслим районы башкарма комитеты җитәкчесенең беренче ярдәмчесе буларак, 8 эшмәкәрдән бәйрәмнәр уздырганда сәүдә палаткалары урнаштырган өчен 95 мең сум ала.
2024 елда Актаныш районы башкарма комитеты җитәкчесе булып эшләгәндә бер фирма вәкилләреннән хатынының Мөслимдәге кибете бинасына керә торган группалар, материаллар һәм витражлар монтажлау рәвешендә ришвәт ала. Моның өчен ул районда урнашкан объектларда подряд килешүләре төзү һәм алар өчен вакытында түләүдә ярдәм вәгъдә итә, диелә хәбәрдә.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии