«Барыбер ерып чыктык»: Ришат Төхвәтуллин, авырый-авырый, концертларда җырлаган

Ришат Төхвәтуллин авырып киткән, хәзерге вакытта дәваланып йөри. Шуңа да карамастан, җырчы Уфадагы концертларын уңышлы гына эшләп чыккан.

«Дуслар, минем гайморит. Узган ел да булган иде, быел да килеп чыкты. Гайморит булгач, «отек» үпкәгә төшә. Шулар җыелып, ютәл килеп чыга, тавыш ярыларым утыра, арый.

Әлегә дәваланам. Уфа тамашачыларыма бик зур рәхмәт. Без барыбер ерып чыктык. Концертлар бик әйбәт узды, авырганым сизелмәде дә», – дип сөйләде ул Телеграм-каналында.

Ришатның тизрәк сәламәтләнүен теләп калабыз.