Без 2020 елда Розалина апа белән бергә Яшел Үзәндә «Волга» санаториенда ял иткән идек. Ул, анда ял итүчеләр белән очрашып, шигырьләрен укыды. Рус һәм Шәрык әдәбиятын тирәнтен белүе белән сокландырды.
Ул чакта рәссам Анатолий Крылов машина белән безнең икебезне Марий Элга «Диңгез күзе» күленә дә алып барды. Шулай итеп, атна-ун көн аралашканда, Розалина апаны күп яктан ачтым. Аның тирән белемле, киңкырлы сәнгать белгече һәм шагыйрь булуына тагын бер кат инандым.

Ялдан кайткач, очрашу-аралашу тәэсиреннән Розалина апа һәм аның кебек шәхесләр турында бер кечерәк поэма яздым. Шалтыратып, аңа бу хакта әйттем. Мәшәкатьлерәк вакыты иде – очрашып булмады. Кабат бу хакта исенә төшерергә уңайсызландым...

«Бик үкенәм» – Сания Әхмәтҗанова поэмасын Розалина Шаһиевага күрсәтергә өлгермичә калган: https://intertat.tatar/news/bik-ukenam-saniya-axmatanova-poemasyn-rozalina-sahievaga-kursaterga-olgermica-kalgan-5866146