Калуга өлкәсендә 35 яшьлек ир-ат 60 яшьлек әнисенә янып китүче сыеклык сибеп, аңа ут төрткән, дип хәбәр итә Россия Тикшерү комитетының төбәк буенча Тикшерү идарәсе матбугат хезмәте.
«Үз әнисен үтерергә омтылуда шикләнелгән Боровск кешесенә карата җинаять эше кузгатылган (РФ Җинаять кодексының 30нчы маддәсенең 3нче өлеше)», – диелә хәбәрдә.
Тикшерү мәгълүматлары буенча, 15 мартта ир-ат үз әнисе белән конфликтка кергән, шуннан соң хатын-кызга җиңел янып китүче сыеклык сипкән, аңа ут төрткән һәм вакыйга урыныннан качкан. Хатын-кыз урамга чыга алган һәм ашыгыч хезмәтләрне чакырткан. Ведомствода, шикләнелүче тоткарланган, дип хәбәр итәләр.
«РЕН ТВ» чыганагы хәбәр иткәнчә, ир-ат һәм аның әнисе арасындагы конфликт чыккан, әнисе аңа телефон бирергә теләмәгән. Конфликт нәтиҗәсендә йорт тулысынча янып беткән. Чыганак мәгълүматы буенча, хатын-кыз тәненең 95 проценты пешкән, ул хастаханәгә озатылган.
Свежие комментарии