Казанның Комлы урамында яшьләр утырган машина әйләнеп капланган. Бу турыда «Татарстан 24» каналы хәбәр итте.
Йөртүче сүзләренчә, машина тәгәрмәче кисәк кенә шартлаган.
Әлеге хәл иртәнге якта була. Комлы урамыннан бара торган машина юл кырыена төшеп китә һәм әйләнеп каплана. Салондагы яшьләр Новониколаевка ягына таба өйләренә кайтып бара торган булган.
Йөртүче сүзләренчә, тәгәрмәч шартлагач, ул идарәсен югалткан. Бу вакытта машина сәгатенә 80 километр тизлек белән бара торган булган.
Ул машина йөртү таныклыгын 2 ай элек кенә алган. Пассажирларның берсенең кулы имгәнгән, тагын икесе куркып кына котылган, диелә хәбәрдә.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии