Башкортстанда яшәүче бабайны аю ботарлаган

Башкортстанның Әбҗәлил районында 70 яшьлек ир-атка аю һөҗүм иткән. Бу турыда «Башинформ» яза.

Шәрип авылында яшәүче ир-атка табиблар 6 сәг дәвамында операция ясаган.

Башкортстанның сәламәтлек саклау министры Айрат Рахматуллин хәбәр иткәнчә, яраланган ир-атны Белорет район клиник хастаханәсенә китергәннәр.

Аның сөякләре сынган, тәнендә ертылган яралар күп булган. Хирурглар аңа операция ясаган.

«Ир-ат бик авыр хәлдә, үпкәләрне ясалма җилләтү аппаратына тоташтырылган. Табиблар аның гомерен саклап калу өчен көрәшә», – дип яза министр.