Дус кызының телефондагы язышуларын укыган өчен җинаять эше ачканнар

Татарстанда дус кызының язышуларын укыган кәрәзле компания хезмәткәренә карата җинаять эше кузгатылган.

Ачыкланганча, 2020 елдан 2022 елга кадәр чорда кәрәзле элемтә операторларының берсендә эшләгән ир-ат элеккеге дус кызыннан көнләшеп, аның телефон сөйләшүләре, аның белән аралашкан кешеләр, шулай ук аның хәбәрләренең эчтәлеге турында законсыз мәгълүмат алган.

Моннан тыш, ир-ат бу шөгыльгә үз хезмәткәрен дә җәлеп иткән.

Җинаять эше судка җибәрелгән.