Таксидан чыгып качкан кыз табылган. Кайда булган?

Казанда таксидан качкан яшүсмер кызны тапканнар.

«Татар-информ»га билгеле булганча, бу вакыт эчендә мәктәп укучысы үзенең дус кызында булган.

Исегезгә төшерәбез, яшүсмер кыз әнисе белән таксида барган, автомобиль Годовиков урамындагы йортларның берсе янында туктагач, ул көтмәгәндә чыгып йөгергән. Шуннан соң кызның әнисе полициягә гариза язган.

Кызның элегрәк тә өеннән качып киткәне булган, диелә хәбәрдә.