Илсөя Бәдретдинова социаль челтәрдәге сәхифәсендә Башкортстанга гастрольләре вакытында төшерелгән видео куеп күпләрнең кәефен күтәргән.
«Аяктан екты бу Бүздәк егете. Азакка тикле карагыз әле. Молодец, югалып кала торганнардан түгел», – дип язган җырчы, малайның тапкырлыгына сокланып.
Видеода күренгәнчә, җырчы янына сәхнәгә карап торышка 7-8 яшьлек малай менгән.
Артист аннан кыйммәтле хушбуй исен сизеп алган.«Улым, синең одеколоның бик тәмле исле. Синекеме, әтиеңнеке? Прям үзеңнеке? Синнән бик кыйммәтле ис килә. Син хәзер үк инде начальникка охшагансың. Начальникның начальнигы инде менә», – дип әйтә җырчы малайны кочаклап.
«Әлбәттә, одеколон 45 мең сумлык бит», – дип җавап биреп, малай тамашачыларны шаккаттыра.
Свежие комментарии