Казанның «Салават күпере» торак комплексында бер төркем яшүсмерләр ир-атны кыйнаган. Бу күренешнең видеосы социаль челтәрләрдә тарала.
Ел дәвамында җирле яшүсмерләр бу ир-атның улын мыскыл иткәннәр, әти кеше улын якларга карар кылган, дип язалар.
Вакыйга урыныннан булган кадрларга караганда, башта конфликтта берничә кеше катнашкан.
Күпмедер вакыттан соң өлкән ир-ат белән аңлашуга якынча 20 кеше җыелган. Яшүсмерләр төркеме аны җиргә ега һәм куллары, аяклары белән кыйный башлый. Кыйнаганнан соң, егетләр шулай ук стихияле рәвештә качып китә.Хәзер бу вакыйганы хокук саклау органнары ачыклый.
Свежие комментарии